Брендот Frosch

Брендот препознатлив по зелената жаба е присутен на пазарот од 1986 година, како пионер на еколошки производи уште од почетокот. Во средината на 1980-тите години, заштитата на животната средина стануваше сè поважна тема како што се зголемуваше јавната свест, што делумно беше предизвикано од катастрофите во животната средина. „Органски квалитет од 1986 година“ е ветувањето на брендот уште од самиот почеток. Брендот го следи начелото „Cradle-to-Cradle“ според коешто сите компонентни на производот треба да се задржат во затворен циклус. Еден пример за тоа се алтернативните формули што се базираат на растенија и се биолошки разградливи. Сурфактантите (активни супстанции за миење) што ги користиме се направени од растителни сирови материјали, по можност одгледувани во Европа, вклучувајќи семе од маслодајна репка, сончогледи и маслинки. Веганските производи не содржат штетни состојки како микропластика, фосфати или парабени. Идејата за затворен циклус има важна улога и во пакувањето. Повеќето од нашите шишиња се изработени од 100 % рециклирани материјали (рециклирана пластика) и може да се рециклираат 100 %. Оваа обврска кон животната средина вреди. Со текот на времето, Frosch успеа да стекне зголемена доверба кај потрошувачите. Во 2021 година, Frosch исто така доби и награда од потрошувачите како „најдоверлив бренд“ во Германија во областа на „средства за чистење“ и тоа по дваесетти последователен пат. Освен тоа, Frosch беше изгласан и за „најодржлив бренд“ во Германија во 2009 година. Брендот Frosch практично ја доближи одржливоста до сите и производите Frosch си обезбедија место во речиси сите области на чистење и нега во домаќинствата.

Frosch и животната средина

Органски квалитет од 1986 година за нас не е само помодарски израз. Одржливоста е наш начин на работа и стил на живот. Одржливоста не е ограничена само на формулите туку ја применуваме и во пакувањето и во производството. Во производството на производите Frosch, нашата грижа за животната средина и одржливоста е на прво место во целиот синџир на набавки. Активностите поврзани со животната средина во Werner & Mertz се потврдени уште од 2003 година (EMAS III). Ние се залагаме секоја година да докажеме дека правиме континуирани подобрувања во заштитата на животната средина и во зачувување на ресурсите. „Целосно одржливо“ е максимата по којашто се водиме во сè што правиме, почнувајќи од иновативните растителни формули, употребата на рециклирана амбалажа и етикети што може да се рециклираат, лепила и мастила, па сè до производството и растојанијата за транспорт.

За дом во којшто ќе се чувствувате добро

Покрај традиционалните средства за чистење од порано, производите за нега на облека денес заземаат многу поважна улога. Меѓу асортиманот производи на брендот Frosch се Frosch Baby, којшто е насочен кон задоволување на потребите на чувствителната бебешка кожа, како и Frosch Oase, декоративните мирисни освежувачи за воздух коишто доаѓаат во разни дизајни на шишенца. Frosch стана познато име и во козметичкиот сегмент. Сапунот за раце Frosch Reine Pflege доаѓа во декоративен дизајн без дополнително надворешно пакување. Концептот е заокружен со поврзаната кесичка за дополнување со којашто се заштедува околу 70 % од материјалот за пакување. Линијата Frosch Senses е дел од овој бренд од 2018 година. Содржи гел за туширање за чувствителна кожа во амбалажа направена од 100 % рециклирана пластика од Yellow Bag. Frosch сега обезбедува и еколошка алтернатива за сите области од домаќинството.

Органски квалитет во 9 точки

Со своите производи, брендот Frosch се фокусира на концептот на природни состојки од европски производители и користи добро докажани домашни решенија, како оцет, лимон и сода. „Почувствувајте го добриот еко-квалитет од 1986 година“: Кога станува збор за чистење и нега, Frosch e еко-пионер, благодарение на комбинацијата од природна и високоефикасна моќ на чистење, заедно со својствата што го прават безбеден како за животната средина, така и за кожата. Frosch континуирано ја шири својата експертиза во развојот и производството на еколошки средства за чистење и перење повеќе од 35 години и ја унапредува за да создава одржливи производи.

Еко-квалитетот на FROSCH се карактеризира со следниве 9 аспекти:

1. Зелена моќна формула со природни состојки за поддршка на карактеристиките за нега и чистење.


2. Со тензиди што имаат обновливо растително потекло – со висок степен на брза биоразградливост. *


3. Дерматолошки тестираните формули покажуваат одлична нега на кожата. Употребата на благи конзерванси и внимателно избрани мирисни компоненти е сведена на минимум или целосно отфрлена.


4. Не содржи штетни хемикалии како фосфати, борати, формалдехид, халогенизирани органски соединенија, PVC.


5. Намалено влијание врз животната средина заради намалената употреба на материјали за пакување и употребата на рециклирани и материјали што може да се рециклираат во иднина.


6. Вегански. Почитувајте го животот на животните.


7. Одржливо и енергетски совесно производство на производствените локации, чиишто системи за управување со животната средина се сертифицирани според EMAS (Шема за еколошко управување и ревизија), ISO 14.001 и A.I.S.E. (Меѓународна асоцијација за сапуни, детергенти и производи за одржување).


8. Пречистителна станица на компанијата за враќање само прочистена производствена вода во циклусот на отпадни води.


9. Повеќе од 35 години искуство во развој и производство на еколошки средства за чистење.